Header Ads

"යුධ අශ්වයාගේ වීර චාරිකාව" තවත් පට්ට ෆිල්ම් එකක්

War Horse (2011) 

        
                     

මං අද ඔයාලට ගේන්නේ war drama වර්ගයේ සුපිරි චිත්‍රපටියක්. මේක 1982 වසරේ ලියැවුණු නවකතාවක් ඇසුරින් නිර්මාණය කරලා තියෙන්නේ. War Horse චිත්‍රපටය අධ්‍යක්ෂණය කරලා තියෙන්නේ විශ්ව සම්මානනීය සිනමාකරු Steven Spielberg විසින්. ඒ නිසා මේ චිත්‍රපටයේ තරම ඔයාලට හිතා ගන්න පුළුවන් වෙයි. IMDb දර්ශකයේ 7.3/10 ක අගයක් මේකට ලැබිලා තියෙනවා. Jeremy Irvine, Emily Watson, Eddi Marson යන නළු නිළියන් මේ චිත්‍රපටයට රංගනයෙන් දායක වෙනවා. නමුත් චිත්‍රපටයේ මුල් තැන දීලා තියෙන්නේ නම් මේ කාටවත් නෙවෙයි. ඒක ලැබිලා තියෙන්නේ අශ්වයෙක්ටයි. මේ චිත්‍රපටයේ තියෙන විශේෂත්වය තමයි ඒක. ඉතින් මේ අශ්වයා මුහුණ දෙන විවිධාකාර අවස්ථා, ත්‍රාසජනක සිදුවීම් ඉතා අපූරුවට මේකේ දිග හැරෙනවා. විශේෂයෙන්ම මේ අශ්වයාගේ හැසිරීම පුදුමාකාර විදියට පෙන්වන්නට Steven Spielberg මේ චිත්‍රපටයේදී සමත් වෙලා තියෙනවා. ඔයාලට බැලුවොත් ඒක තේරේවි. මොකද චිත්‍රපටයකින් ඒ වගේ දෙයක් සංවේදීව පෙන්වන එක නම් ලේසි දෙයක් නොවන නිසා. ඒ වගේමයි මේ චිත්‍රපටියේ දර්ශනයන් හරිම ලස්සනයි. ඔස්කාර් සම්මාන උලෙළේදී හොඳම චිත්‍රපටය, හොඳම සංගීතය ඇතුළුව සම්මාන 6 ක් සඳහාත් ගෝල්ඩන් ග්ලෝබ් සම්මාන උලෙළේදී සම්මාන 2 ක් සඳහාත් මේ චිත්‍රපටය නිර්දේශ වුණා. දැන් මේකේ යන කතාව ටිකක් බලලා ඉමු........


ඒ 1912 වර්ෂයයි. තරුණ ඇල්බට් නැරකොට් (Jeremy Irvine) ගැමියෙකුගේ ගැබ්බර වුණ වෙළඹක් තම අශ්ව පැටියාව මෙලොවට බිහි කරනු බලා ඉන්නවා. අශ්ව පැටියා සීඝ්‍රව හැදෙද්දී උගේ තියෙන අසාමාන්‍ය ජවය ගැන නැරකොට් පුදුම වෙනවා. ඌ පිටියේ තම මවත් එක්ක සෙල්ලම් කරනවා නැරකොට් වැට ලඟ ඉඳන් හැමදාම ආසාවෙන් බලන් ඉන්නවා. දවසක් වෙන්දේසියකදී මේ වැඩුණු අශ්වයාව වෙන්දේසි කරන අතර නැරකොට්ගේ පියා වන ස්මිත් අශ්වයාව මිලට ගන්න තරඟ කරනවා. ඔහුට ඕනි වුණේ කුඹුර සීසෑමට යෝග්‍ය අශ්වයෙක් වුණත් මේ අශ්වයාව දැකපු වෙලේ ඉඳන් ඌව ගන්නමයි ස්මිත්ට හිත. අනික් පසින් ඊට තරඟ කරන්නේ ස්මිත්ගේ ඉඩම් හිමියා වන ලයන්ස් වයි. ඔහුගේ උඬගුකම යවන්නත් එක්ක තරඟ කරන ස්මිත් අවසානයේ ගිණි 30 ක අති විශාල මුදලකට මේ අශ්වයාව ලබා ගන්නවා. නමුත් එහි ප්‍රතිඵලය වන්නේ ස්මිත්ට අතේ සතේ නැතිවා මදිවට ලියෝන්ස්ට ගෙවිය යුතු කුලියද ගෙවා ගන්නට බැරි වීමයි. නමුත් නැරකොට්ට තියෙන්නේ නම් ඉහවහ ගිය සතුටක්. මොකද ඉපදුණ මොහොතේ ඉඳන් තමන් ආසාවෙන් බලා හිටි ඒ අශ්වයාව දැන් අතටම ලැබුණ නිසා. සරත් ඍතුව එන විට කුඹුරේ වගා කරලා කුලිය ගෙවන බව ස්මිත් ලයන්ස්ට පොරොන්දු වෙනවා. ගෙවන්න අසමත් වුණොත් ඉඩම වගේම අශ්වයාවත් තමා සතු කරගන්නා බව ලයන්ස් අනතුරු අඟවනවා. නැරකොට් සීසෑම සඳහා අශ්වයාව පුහුණු කරවනවා. නැරකොට් අශ්වයාට නමකුත් දානවා “ජෝයි” කියලා. සීසාන දවසේදී ලයන්ස් ද කුඹුරට ඇවිත් ස්මිත්ට සමච්චල් කරනවා. මොකද මේ කුඹුරු බිම ඉතා රළු කර්කශ එකක් නිසා සීසෑම කල නොහැකියි. අනික සීසාන වැඩේ කරන්න යන්නෙත් පොඩි කොලු ගැටයෙක්. ඉතින් ලයන්ස්ට සහතිකයි අශ්වයාවයි ඉඩමයි තමා අතේ බව. සෑහෙන සටනක් දීලා නැරකොට් සිහිසුන් වන තරමට ජෝයි එක්ක කුඹුර සීසාලා දානවා. ඒත් තවම වගා කරලා මුදල් හම්බ කරගැනීමේ කාර්යය ස්මිත් පවුලට ඉතිරිව තියෙනවා. හොඳින් වගා කලත් අවාසනාවට මහා වැස්සක් ඇවිත් මුළු වගාවම සෝදාපාලු කරනවා. කුලිය ගෙවිය යුතු නිසා ස්මිත් නැරකොට්ටත් නොකියාම ජෝයි ව එංගලන්ත අශ්වාරෝහක බලකායේ කැප්ටන් ජේම්ස් නිකොල්ස්ට විකුණනවා. ඒ පළමු ලෝක යුද්ධ සමයයි. එංගලන්තය ජර්මනිය සමඟ යුද වදින්නයි යන්නේ. දුවගෙන එතෙන්ට එන නැරකොට් අශ්වයා තමන්ගේ බවත් ඔහුව විකිණිය නොහැකි බවත් කීවද එතකොටත් ගණුදෙනුව වෙලා ඉවරයි. නැරකොට් පියාට පොරොන්දු වෙනවා මුදල් හොයා දෙන බවට. යුද්ධය ජෝයිට ඔරොත්තු නොදේවි යැයිද ඌ ශබ්දවලට හීලෑ නැති බවද නැරකොට් නිළධාරියාට කියනවා. ඒත් නිළධාරියා ප්‍රතික්ෂේප කරනවා. එසේ නම් තමනුත් හමුදාවට බැඳෙන්නම් යැයි නැරකොට් කියනවා. නමුත් වයස මදිකම නිසා ඒකත් ව්‍යර්ථ වෙනවා. නැරකොට්ට එතනින්ම ජෝයිගෙන් සමු ගන්න වෙනවා. ඔන්න දැන් ජෝයි එංගලන්ත අශ්වාරෝහක බළඇණිය වෙනුවෙන් යුද බිමට යන්න සූදානම් කරවනවා. ජර්මානු හමුදාවට එල්ල කල ප්‍රහාරයක් ව්‍යර්ථ වී කැප්ටන් නිකොල්ස් මිය යනවා. ඉන්පසු ජෝයිව ජර්මානු හමුදාව යටතට ගන්නවා. පසුව වන සිද්ධියකින් ජෝයිව ගොවිපොළක සිටින එමිලි නම් දැරිවියත් ඇයගේ සීයාත් යටතේ ඉන්නවා. කලකින් පසු නැවත වරක් ජෝයිව ජර්මානු හමුදාව විසින් ලබා ගන්නවා. එහිදී ජොයි ඇතුළු අශ්වයන්ව අනුකම්පා විරහිතව ඔවුන්ගේ කාල තුවක්කු ඇදගෙන යාමට වසර ගණනාවක් යොදවනවා. බොහෝ අශ්වයන් පීඩනය වැඩිකමට සෙම පිටකර ඉක්මණින් මිය යනවා, නැත්නම් තෙහෙට්ටු වූ අශ්වයන්ව ජර්මානු හමුදාව විසින් වෙඩි තබා ඝාතනය කරනවා. එහෙත් ජොයි නොනැසී දිගටම බර අවි අදිනවා. 1918 වර්ෂයේදී එංගලන්ත හා ජර්මානු හමුදා අතර දරුණු යුද සටනක් ඇති වෙනවා. දැන් නැරකොට්ද එංගලන්ත හමුදාවට බැඳිලා ඒ යුද පෙරමුණේ ඉන්නවා. නැරකොට් හමුදාවට බැඳුනේ වෙන කිසිවක් නිසා නොව ජෝයිව කෙසේ හෝ සොයා ගැනීමටයි. ප්‍රබල එංගලන්ත හමුදා ප්‍රහාරයෙන් බැට කෑ ජර්මානු හමුදාව පසුබසිනවා. එහිදී මේ අරුම පුදුම ජවසම්පන්න අශ්වයා ජෝයිව අත්හැර පලා යාමට ජර්මන් හමුදාව තීරණය කරනවා. යුද තත්වය අතරේ දැන් ජර්මානු යුධ ටැංකියක් ජෝයි ඉන්න දිසාවට හෙමින් එනවා.

දැන් කිව්වා හොඳටම ඇති. බලන්නකෝ Steven Spielberg කොහොම වැඩක්ද War Horse චිත්‍රපටයේ දීලා තියෙන්නේ කියලා. ඇමෙරිකානු $ මිලියන 66 ක වියදමක් දරා නිපදවූ මේ චිත්‍රපටය බොක්ස් ඔෆිස් ආදායම ඇමෙරිකානු $ මිලියන 178 ක් පමණ ලැබුවා. අනිවා මේක බලන්න එහෙනම්.......... 


<<<<<<<< පහලින් එහෙනම් බාගන්නකො >>>>>>>>>

මෙන්න එහෙනම් බාගන්න

          
                          

සිංහල උපසිරසි මෙතනින් බාගන්න

                   


( සිංහල උපසිරසි බයිස්කෝප් වෙතිනි )


                     එහෙනම්  මං ගිහින් එන්නම්........ඔයාලට ජයෙන් ජය!!!!!!!!
                                      animated-thank-you-image-0195

No comments

ඔබගේ වටිනා අදහස් අප සමග බෙදා ගන්න comment එකකින් ගුන දොස් කියල යන්න ඒක අපිට ශක්තියක්.